「主這路明確說不，你怎麼辦❓」
我選擇尋求另一條。
……
04/08/2024（六）1830 香港演藝學院作曲及電子音樂室
我與同學就分組作曲進行Zoom會議。
同學說：「故宮嗰度點呀？」
我說：「我哋要配樂嗰個展品係一個Video嚟嘅。」
同學說：「有冇咩諗法？」
我說：「嗰Video不停變，最好就音樂同畫面同步。」
同學說：「我哋都冇條片。」
我說：「拍咪有囉。」
同學說：「故宮俾咩？」
我說：「我唔知喎，問故宮囉。」
同學說：「我哋可以直接問故宮咩？」
我說：「梗係唔得啦，Text系主任，再send Email，拜托佢轉發俾故宮問囉。」
同學說：「咁一於咁話啦。」
我說：「不如定咗嗰日期時間先問啦？爽手啲。」
同學說：「好，等一陣，我問一問拍開嘢嘅朋友幾時得先。」
我說：「拜托晒。」
數分鐘過後……
同學說：「8月8號，星期四，下晏兩點。」
我說：「爽。WhatsApp問一問系主任。」
同學說：「好。」
……
04/08/2024（六）1907 WhatsApp
我向系主任提出攝影要求。
系主任說：「幫嗰展品拍片？梗係唔得啦。」
我說：「哦。」
系主任說：「點解要拍片？」
我說：「想作出嚟音樂，同條片同步。」
系主任說：「有原因，都係唔得。」
我說：「OK。」
……
另一個我說：「禱告問主啦。」
我說：「答咗啦。」
另一個我說：「答咗？我聽唔到嘅。」
我說：「答咗唔得囉。」
另一個我說：「咩話？」
我說：「主答咗唔得呀。」
另一個我說：「咁唯有禱告等候主再答話得啦。」
我說：「都話唔得囉，哎呀，點解咁架你？」
另一個我說：「我點呀？」
我說：「你好似唔識聽唔得咁囉。」
另一個我說：「你點知主之後一定話唔得？」
我說：「主冇話之後一定唔得，不過主明確答咗而家唔得。」
另一個我說：「我選擇等。」
我說：「我選擇試另一條路。」
另一個我說：「如果另一路主都話唔得呢？」
我說：「我暫時見唔到主話另一條路唔試得喎，我淨係見到你嗰條路主已經話咗唔得啫。」
另一個我說：「你咁做極有可能都係嘥時間嘥心機架咋。」
我說：「應該點都唔夠繼續同你喺度糾纏落去，嘥心機嘥時間。」
發表新回應