「平安，如何選擇❓」
拒絕受環境影響，聚焦尋求、坦然接受主預備的任何出路。
…….
13/01/2023（五）18:00 Band房
我正預備今晚20:30作曲發佈第一首曲的第二次練習之際，電話響起。
同學說：「唔好意思呀。」
我說：「咩事？」
同學說：「我嗰Saxophone啱啱跌爛咗。」
我說：「吓？咁今晚嗰練習點算？」
同學說：「我練唔到。」
我說：「咁唯有下次啦。」
同學說：「我諗都唔得。」
我說：「點解？」
同學說：「嗰Saxophone要攞去整，未知整幾耐，仲有我個schedule變咗，可能有好多次練習都會缺席。」
我說：「吓？」
……
另一個我說：「有冇攪錯呀你同學？離晒大譜。支Saxophone早唔跌，遲唔跌，係要今日跌爛。呢鑊都唔知點收科？」
我說：「你急咩啫？」
另一個我說：「唔急就假啦，死得啦而家。」
我說：「你死咩啫？」
另一個我說：「你首曲三樣主要樂器，冇咗一樣呀！冇咗三分一，仲唔死呀？」
我說：「未死得。」
另一個我說：「未死得？咁你而家死支Saxophone出嚟呀？」
我說：「…….」
另一個我說：「你又唔識吹Saxophone，更加唔識人吹Saxophone，係咪死得呀？」
我說：「定啲黎，主係度睇住架嘛，總有方法嘅。」
另一個我說：「有咩方法呀？講啦！」
我說：「搵過支Saxophone。」
另一個我說：「去邊度搵？」
我說：「未諗到……如果搵唔到Saxophone，就搵到咩樂器就用咩樂器啦。」
另一個我說：「你話用咩樂器就用咩樂器呀？首曲一初係寫俾Saxophone架。」
我說：「首曲係我作嘅，我寫過俾第二件樂器咪得囉。」
另一個我說：「你識寫咩？」
我說：「識識哋，攪唔掂問老師。」
另一個我說：「你老幾呀？點解老師要騷你？你呢啲唔係課程問題，係你嘅私人問題。」
我說：「咁俾錢搵補習老師囉。」
另一個我說：「又破財，仲要鬼死咁麻煩。」
我說：「我俾錢，我重作，你咁多嗲做乜？如果呢條係主俾我嘅出路，再貴再麻煩我都會行。」
另一個我說：「咁口響，你搵到第二件樂器啦？」
我說：「暫時未。」
另一個我說：「咁收檔啦。」
……
同學說：「我搵咗另一支Saxophone幫你。」
我說：「咩話？」
同學說：「佢係我朋友，仲叻過我。」
我說：「真係？」
同學說：「我Saxophone八級，佢FTCL。」
我說：「咁勁？」
同學說：「我send佢個聯絡電話俾你，你聯絡佢。」
我說：「好。」
我成功與新的Saxophone達成協議，填補樂手空缺。
……
另一個我說：「唔怪之得你咁平安啦，原來一早準備咗另一支Saxophone。」
我說：「支Saxophone我準備架？」
另一個我說：「你同學準備嘅。」
我說：「係主安排我同學預備先啱。」
另一個我說：「你係咪識讀心術？點解你知道你同學會介紹另一支Saxophone俾你嘅？」
我說：「我唔知喎，下一秒嘅事，得主知，冇人知。」
另一個我說：「咁你又咁老定？」
我說：「我相信主一直喺度睇住我架嘛。」
另一個我說：「嘥氣，紙上談兵，快啲收線，去搵辦法好過啦。」
我說：「我咁快收線，啱啱仲會由我同學口中，收到主為我預備咗嘅另一支Saxophone咩？」
另一個我說：「咁即係有Saxophone，有平安啦？」
我說：「點會？我同學未講有另一支Saxophone之前，你記唔記得我嘅態度係點？」
另一個我說：「我嗰陣都急到死，仲邊得閒理你咩態度？」
我說：「我當時好冷靜，聽清楚我同學講嘢先。」
另一個我說：「點解你仲可以咁冷靜？」
我說：「因為我選擇同平安，即係主，一齊。」
另一個我說：「點樣選擇同平安，即係主，一齊？」
我說：「第一，我選擇拒絕好似你咁樣，環境變少少，變到有啲唔順你意啫，就喺度急急急，鬼殺咁嘈，塞埋對耳，合埋隻眼，周圍啲人講啲咩都唔理，淨係識喺度發脾氣同冚線。」
另一個我說：「你講嘢句句有骨，專針對我。第二呢？」
我說：「第二，只要係主俾我嘅出路，再麻煩再辛苦我都會行，照去。」
另一個我說：「如果主唔預備另一枝Saxophone俾你，你係咪都照去？」
我說：「主俾我搵到咩樂器，我就俾錢求教，盡力用嗰個樂器編過份譜佢，我一開波同你講咗我係邊個啦。」
另一個我說：「你邊位呀？」
我說：「我係準作曲。」
發表新回應