「忽視神，何時最易發生❓」
定晴世界的目光時。
……
25/07/2021（日）10:00 家 Zoom
傳道人Maggie正在教導馬太福音11章37至54節，耶穌如何教訓法利賽人和律法教師。
另一個我說：「查緊經呀，做咩郁黎郁去？」
我說：「有啲累。」
另一個我說：「咁不如最尾嗰三分之一出去跑步，跑完番黎教書咪啱啱好囉。」
我說：「但係未查完經喎。」
另一個我說：「登出嗰I-pad，再登入番嗰手機，邊跑邊聽咪得囉。」
我說：「又好。」
……
Maggie說：「大家有冇不自覺咁為咗世界嘅目光，⽽忽略咗神？」
…..
另一個我說：「你有冇試過忽視神？」
我說：「冇呀。」
另一個我說：「你以前帶查經嗰陣，有冇試過有組員好似你咁，查查吓經中途出咗去做自己嘢呀？」
我說：「有。」
另一個我說：「你當時覺得點呀？」
我說：「著火囉。」
另一個我說：「著咩火呀？」
我說：「我咁辛苦備經為咩呀？備黎為咗同空氣講嘢呀？」
另一個我說：「班房啲人走晒呀？」
我說：「咁又唔係，走咗三幾個咁囉。」
另一個我說：「走咗三幾個姐，咁緊張做咩？」
我說：「人少咗，嘥晒我啲心機。」
另一個我說：「我知點解神調你去讀音樂啦！」
我說：「咪帶我去實踐理想囉。」
另一個我說：「唔止。」
我說：「仲有咩？」
另一個我說：「神唔想你忽視佢。」
我說：「我以前喺教會帶查經，四圍都見到弟兄姊妹，佢哋開口埋口都同我講神架，我有乜可能會忽視神呀？」
另一個我說：「你而家學音樂，就望實神啦。」
我說：「點會係咁呀？音樂學校都幾乎冇人講耶穌！」
另一個我說：「因為音樂係你完全陌生嘅範疇，你日日都望實神，問神帶你去邊。」
我說：「聖經我夠完全陌生囉，我帶查經嗰陣都成日望實神架。」
另一個我說：「你冇望實神。」
我說：「我冇？我冇望實神，咁我望咗去邊？」
另一個我說：「你望咗去冇返查經班嗰三幾個人度，跟住就著晒火。」
發表新回應