「突破，如何開始❓」
主刻意安排，我盡力嘗試。
…….
22/04/2022（四）17:00 香港國際音樂學校
實科演奏課堂完結
主任說：「夠鐘啦，Danny嚟啦。」
我說：「Danny喺邊？」
主任說：「Zoom呀。」
主任開啟Zoom。
我說：「喂，Danny。」
Danny說：「喂，偉雄，你啱啱上堂準備緊學生音樂會首曲呀？」
我說：「係呀，下次彈俾你聽。」
Danny說：「好呀。」
主任說：「Danny，你有冇報學生音樂會？」
Danny說：「冇呀。」
主任說：「咁你而家報啦，趁仲未截止。」
我說：「我去食飯先，你哋慢慢傾。」
主任說：「好，偉雄，下個禮拜見。」
……
22/04/2022（四）18:10 香港國際音樂學校圖書館
Danny傳來WhatsApp短訊。
Danny說：「啱啱主任極力推薦我參加6月10號第三場嘅學生音樂會。」
我說：「我走之前都聽到呀。」
Danny說：「我應該推唔到架啦。」
我說：「推唔到咪應承囉。」
Danny說：「主任想我哋Duet（二重奏），可以嗎？」
我說：「Duet？」
Danny說：「係呀。」
我說：「彈邊首？」
Danny傳來樂譜。
我看過樂譜，想了一下。
Danny說：「可以嗎？」
我說：「好，就Duet。」
Danny說：「咁我即刻填表俾主任簽名。」
我說：「好。」
Danny說：「我真係膽顫心驚。」
我說：「加油。」
Danny說：「等你5月6號第一場表演完咗之後，即刻搵你練習。」
我說：「好。」
……
另一個我說：「你試過Duet未呀？」
我說：「從未試過。」
另一個我說：「從未試過，攪唔攪得惦架？」
我說：「我睇過首曲，我有信心。」
另一個我說：「信心邊度黎？」
我說：「我清楚自己能力囉。仲有，主任叫得Danny搵我，即係認為我有能力攪得掂啦。」
另一個我說：「嘩，你真係夠膽死，從未試過，竟然一口應承同學喺學生音樂會上台表演，同同學Duet？」
我說：「我想有突破。」
另一個我說：「即係想點？」
我說：「即係想同主一齊去試做一啲從未做過嘅嘢。」
另一個我說：「即係點？」
我說：「即係就算我冇經驗，只要主肯俾機會我嘅話，咁我就…」
另一個我說：「只要主肯俾機會你嘅話，咁你就點呀？」
我說：「只要主俾機會我嘅話，我就盡力去試。」
另一個我說：「就算你盡力去試，都有可能喺成棚人面前失敗收場架咋。」
我說：「我盡力去試，夠有可能喺成棚人面前成功攪掂囉。」
另一個我說：「好呀，點盡力去試？」
我起身，打開琴蓋，放上合奏譜，練習伴奏。
發表新回應